Autor: animal

UN ANO MÁIS CELEBRAMOS A SEMANA FAUNA PARA EDUCAR AO NOSO ALUMNADO NA EMPATÍA CARA OS ANIMAIS. NESTA OCASIÓN TRABALLAREMOS A TEMÁTICA DO ESPECISMO.

Un ano máis seguimos traballando no Espiñeira na concienciación sobre a nosa relación cos animais non humanos e a natureza. Esperamos que este esforzo xermole no futuro das nosas rapazas e rapaces!. Dende o Espiñeira animamos ós centros educativos a poñer en práctica este proxecto interdisciplinar con gran valor no desenvolvemento emocional, social, cultural e sobre todo ético do alumnado. Velaquí un resumo do que fixemos nestes intensos cinco días… Mil grazas a todxs!. Se queres ver as actividades con máis detalle preme no apartado Cámaras Acción!/ Semana Fauna.

Alumnas de 2º ESO invitan ao profesorado a participar dende as súas materias

Preme na foto para ver a galería

Dende Safo, alumnas de 1º Bac presentan un libro de Alicia H. Puleo co que contamos na nosa sección da biblioteca, relacionado coa palabra da semana: ECOFEMINISMO. Anímate e le este exemplar tan interesante!.

Dende a Comisión BioÉtica do Espiñeira hoxe comezamos unha nova actividade, “A palabra da semana”, co obxectivo de reflexionar sobre o seu significado e dinamizar a nosa sección da biblioteca Safo: DE ANIMAIS E MEDIO AMBIENTE, relacinándoa con algún dos recursos bibliográficos cos que contamos.

Conmemoramos o 10 de decembro (Día dos dereitos humanos e animais) informando sobre unha actividade que atenta contra todos éstes e tamén contra o noso planeta. Trátase do CRUTIDO DA PEL para producir o COIRO, unha práctica tremendamente dañina contra os animais, por seren principais vítimas en canto a abusos, torturas e mortes; para as persoas que traballan nas curtidorías, por facelo en condicións precarias e en continuo contacto con tóxicos que provocan enfermidades graves coma o cancro, afeccións na pel ou respiratorias; e tamén para o medio ambiente, dado que o uso de substancias coma o cromo, o chumbo ou o arsénico entre outros químicos vértense contaminando as augas.

Cada ano máis de 1000 millóns de animais son asasiñados co único propósito de utilizar a súa pel para calzado, roupa ou complementos. entre estes animais hai vacas, cabalos, porcos, cabras ovellas e exóticos coma crocodilos, elefantes ou canguros entre outros. Pero todas estas mortes poderían ser evitadas de xeito doado, pois hoxe en día existen alternativas de materiais igualmente eficaces en canto a impermiabilidade, confort ou durabilidade. Os coiros vexetais derivados do ananá, o cactus, o plátano, o millo, o cogumelo, o cáñamo, a uva ou a mazá son só algunhas das propostas que xa ofrece o mercado e que non teñen nada que envidiar ó coiro animal, e a maiores non fan dano a ninguén.